上星期已約好的晚飯終於都到了,這兩位舊公司同事一個是坐在隔離,一開始好像很friend,但最後好似不聞不問的hi-bye同事,一個是IT同事,我早早已經很想和她做朋友,不過一直沒有踏出第一步,直至我離開前,我們開始好傾上來,和坐隔離的同事,真的只是搭單吃飯。
今日到了我介紹的德國菜餐廳,大家都很開心,因為算有一點特色,而且我喜歡喝這兒的啤酒,對不喜歡啤酒苦澀味的我,這兒的啤酒除了不苦外,我覺得是好喝。我比她們早到一點點,本來想打電話給老公,問問他上一次order了什麼給我喝,但我打了10多分鐘,一直沒人接聽,我一早說過,如果我有什麼意外,真的要打電話給他,想聽聽他的聲音及說我的遺言時,他一定不知道,我只有留在他的遺言信箱,不要覺得我太誇張,當我每一次有比較重要的事想找他,他一定聽不到電話。由於找不到老公,加上餐廳沒有serve我白開水,所以我自己點了0.5L啤啤自有自飲,很像怨婦,一邊找不到愛人,一邊自隊半Liter啤啤,哈哈。
3個女仔,點了一客脆脆麵包,豬手,雜腸便可以食足一晚,我不知道為什麼大家都可以這樣細食,在酒精的幫助下,大家都high了,傾得越來越興奮,什麼都講一餐,我覺得很開心,我很久很久沒有和朋友吃飯吃得這麼開心,應該說是我很久沒有出外喝酒,只因為老公不懂喝,他也不想我喝,加上朋友們不是拍拖就是結婚了,真的很少單身gathering,帶著bf / 老公,喝完也不會high。
帶著丁丁點的醉意的我,在巴巴上訓得很舒服,一回家真的不願放狗,不過如果我不去,懶惰的老公一定不會自己去,於是我懶洋洋的與nic nic散步,再回家後,洗面搽面,馬上訓覺,其間老公不斷問東問西,我唯有再向他說多一次,我要訓覺喇!!!!!
*後遺症:第二天不知醒,7:35才被老公叫醒,很趕很急的回公司,坐了很久還是發呆,哈哈
Subscribe to:
Post Comments (Atom)
6 comments:
我都好鍾意去beerhall飲beer架, 你都係架...下次我地一齊去呀!! ^^ 講樣野比你聽呀, 上次我同維尼去食飯, 一人叫左一杯0.5, 竟然有女仔行過我身邊講...嘩..你睇下...有女仔飲0.5架....攪到我幾唔好意思呀!! 哈...原來你同我一樣....有伴囉....
飲.0.5L唔會醉,不過個肚好脹姐,我仲要自己叫左0.5,之後happy hour last order,大家仲叫多左1L 3個人分,即是我一餐飯飲左0.833L,好鬼飽呀
好呀,下次一齊去,我都幾鐘意個度,對面又有車返屋企,好方便
幾時係happy hour? 買一送一呀?? 定係會平d呀?? 佢d啤酒好純, 唔會醉, 不過真係好飽...hee!! 好呀..下次我地一齊去, 我對面都有車車返屋企.....^^
我唔知有冇half price咁平喎,印象中好似冇,應該around 40% off啦,happy hour至8點囉,有hang seng白金有9折,你有冇呀?我反而自己唔申請公司既卡囉,哈哈
你去英國之前去食一次飯呀,你揀時間,我星期一唔得
我有恆生白金卡呀? 係唔係全日9折呀? 但係happy hour 8點前就會有飲野平呀? 係唔係咁呀??
咁我又唔知係唔係全日9折喎,總之dinner有9折啦
係呀,8點前order野飲就平d囉,咁全單計又有9折囉
Post a Comment