媽媽好耐都冇同我寫blog,不過我今日真係好開心,好想記低去
今日一早起身,以為媽媽同我落街,點知佢下左廚房拎野食,我一定係跟實佢入房食啦 我食左少少啤梨同鳳凰卷,真係好好味呀,食飽飽媽咪又繼續訓,我唯有跟佢一齊訓啦 訓醒見爸爸媽媽出街,我當然好緊張又開心,媽媽話今日去姐姐度沖涼,於是佢同爸爸就由荒島拖我去坑口間寵物店度洗白白,其實我已經好唔舒服,因為今次媽媽隔左6個星期先帶我去沖涼,一去到姐姐門口,我已經係咁擺尾,媽媽話我一定係好鐘意沖涼,而且姐姐應該係對我好好,所以我次次去到佢舖頭都會好開心,入左舖,哥哥拖我入去沖涼房,爸爸媽媽同我say goodbye,我就入左等洗白白。
今日好特別,爸爸媽媽今次專登早d去姐姐度等我沖涼,佢地話見到我係咁恰眼訓,訓係度咁比人吹毛同剪手板毛,連爸爸媽媽係窗口都見唔到,跟住哥哥一拖我出黎就見到爸爸媽媽,我好開心呀,因為平時沖完涼,我都要等到訓著覺,佢地先黎接我,仲有呀,今日媽媽係姐姐度買左好好味既cheese比我食,一路返屋企一路食左3粒,真係好好味架。
返到屋企呢,媽媽就開始煮飯,我最鐘意就係見到媽媽煮飯,即是爸爸媽媽係屋企食飯,咁我都會有好野食,不過媽媽唔小心,倒瀉左d水係我個身度,不過我都死唔走,要爸爸用野食引我,我先肯去廳比爸爸抹身。媽媽煮緊既時候,我已經有得試味架喇,真係正呀,到媽媽拎晒d餸出黎,爸爸又唔知行去邊,搞到我等到唔耐煩,係咁吠媽媽,媽媽又係咁笑我。終於等到開飯,媽媽整d野好好味呀,d肥牛又好味,d蛋角又好味,d菜就麻麻地,不過我都好鐘意食呀,食飽飽之後,又有少少雪糕食,今日真係好完美呀,最後因為我係咁訓,爸爸媽媽又好攰,所以夜晚冇落街,不過我地一家3口今晚訓得好好,媽媽攬住我訓左一陣,我等佢訓著左,我就自己走落地訓,我今日真係好開心,爸爸媽媽話我個樣好幸福喎,卡卡~~
Subscribe to:
Post Comments (Atom)
No comments:
Post a Comment