今天在家一直訓訓訓,訓醒看看電視又再訓,很舒服的一天,本來打算打打電話給magic nail,早一點去做gel甲,但還是不願早一點出街,最終還是7點才做gel甲
做了兩次ok簡單的款式,今天終於再發癲了,看看吧
...
...
...
白底+彩色波波點+閃片+閃石老公一見到便問為什麼要那麼誇張,我說我喜歡,他再說我突然變了MK妹,真的被他激得半死,其實都不是很差,我很喜歡彩色啊,只是這兩個月都低調了,而且我穿衣也沒有從此多姿多彩吧,老公真的很可惡!!!
腳腳篇,上一次整的french甲,因為我很不喜歡,所以我沒有露過出來,所以今次弄甲時有一隻腳指已經斷了,有兩隻已經是暗裂(其實我不明,腳甲已經在中間有了裂痕,carman叫我要小心這兩隻腳指,我問她已經斷了,可以怎樣小心?她說要做密一點,盡快剪了出來就沒事了,我還是很不明,怎樣都是要等腳甲長了才可以剪,做密一點有用麼,但我還是約了下一次做手的時候同時做腳),今次簡簡單單做了全隻粉紅色,很好,很整齊,腳甲很簡單就可以了,不用加任何點綴
p.s. 前一排因為我不喜歡這粗邊的french腳腳,所以沒有好好照顧雙腳,腳上多了很多死皮,很樣衰,有一天我和老公說,慘了,我的腳很樣衰,可以怎麼了?他說"係呀,你以前隻腳好靚架,我以前好鐘意你對腳",因為聽了老公這句話,所以我今天特意要求去腳皮,弄完後加上換去討我厭的french甲,回家後我自覺雙腳已經回復漂亮,我伸給老公看"你睇下,你睇下,已經好似以前咁靚喇"
可惡的老公:"咁又點呀?你大脾粗喎"
真的很討厭啊,初初是厭棄我的腳板不像從前,好了,我弄得漂漂亮亮,你居然又厭我大脾粗,好了好了,我早知道你已經不愛我了,那好吧,上星期買的dancing disc,應該星期五可以取了,我要努力減肥,瘦了之後你不要喜歡我,我為nic nic找一個有錢爸爸就可以了,我憎死你!!!!
6 comments:
你地兩公婆講野真係太好笑喇~ 我發覺肥豬轉數最快o既時候係挖苦你o個時囉~ 你叫佢將呢個原本係優點o既野用o係第方面啦~ 卡卡
無錯, 姑姑講得岩, 肥豬應該用轉數咁高去唸另外一樣野, 唔應該去話你...佢梗係想死定啦!! hee...係呀..係唔係拎左袋野啦?
佢宜家講到明就係以激我為最大娛樂架啦,所以我都唔會留情咁鬧鬧鬧佢架
小pp,拎左喇,不過未拆呀,thanks!!
你兩公婆啲對話真係好鬼搞野!!
咁下次你瘦咗大脾, 佢又可以話"咁又點, 你pat pat大喎.." 咁沒完沒了, 講到幾時..? 卡卡...
um...我覺得下一次應該會話我粗腰,不過終極應該會係...(哈哈,我自己諗都覺得好好笑)
肥豬會醒我既最後一句『咁又點?你老左喎』
呢樣野我真係improve唔到喇,老左就真係老左架啦,最衰佢唔係話我個樣老呀嘛,佢係會話我年紀大架,死唔死?佢宜家都成日話我「你30歲架喇喎,仲咩咩咩呀?」
講漏左添,佢次次話完我30歲,我都會好激動鬧佢,你就30,你30有1添呀,我得廿九幾歲架咋!!!!!!!!!
Post a Comment