已有一段很長的時間沒有update我呢個日記,究竟我係好忙呀?冇心呀?冇時間呀?定係咩呢?
宜家開左間舖,始終都冇以前日日坐office咁多發夢時間,同埋好少可以靜靜地坐係度打打打,所以令到我呢度變左雙月號,真係慚愧。
由7月resign開始,宜家都有個半月喇,um...開舖最開心係啱啱set up既時候,因為有好多地方可以比你發揮,最悶係要日日看舖,遲開舖會有人比說話你聽,早開舖要我傻左咁坐係度,我又真係覺得好悶,唉~~~~做sales始終都唔適合我,我想我會係不久既將來會搵返份工,受老闆氣,都可以係背後鬧佢,做得幾唔開心都會有糧出,開舖要受老公氣,要同人交代,要冒險,要做好多好多野,但到宜家為止,我都係冇糧出,好似要老公養,好似冇以前講野咁大聲,原來我既決定係錯左,我又可以同邊個講呀?家姐會明我,不過我又唔方便同佢講太多,老公?好似外星人一樣,我真係同佢溝通唔到,甚至乎我有時會覺得我係嫁錯左添,近期心情有點低落,所以激發我想update一下個blog開心下
發洩完喇,等我update下d開心野啦
5 comments:
開咗舖都唔係好耐o者...比啲時間啦, 生活模式突然轉變咁大一定要時間適應架, 過咗就無嘢架喇! ^^
咁快就放棄唔得o架! 就好似你打工都唔會個幾月升職加人工啦, 有聽過"創業難, 守業更難"嗎? 唔可以要求到事事都咁順利o架，點都要俾d時間間舖先得嘛。呢個時間並唔係一頭半個月, 有可能係一年半載。聽上去係一段唔短o既時間，但開舖唔單單係金錢o既投資，時間都一樣好重要嘛~
hey, 加油呀, 唔好咁快放棄呀!!! 有咩想講你咪搵下我law, 我同你生活圈子完全唔同, 同我講無咁多顧忌ma, just give me a ring when you need someone to talk to~
有咩唔開心可以同我地講呀!! (唔好收收埋埋)...明白到開左間shop之後好困身, 而且創業難既道理.....
遲下等我得閒番少少..收工過去你度陪你看下鋪..多個人陪開心好多架~~ ^^
支持你.....
THANK YOU各位啦,我會努力鬧肥豬黎發洩架喇,哈哈
Post a Comment