攝於東京kampo health plaza hotel,係香港時實在冇時間影相,所以要去到東京先有時間影上次既食人草莓天使指甲,話咁快就一個月,又係時候整整佢,今日本來準備充足,帶晒雜誌去比karen睇,我又想整5色
甲架啦,點知講講下,佢好開心咁話,其實我幫你諗左架喇,跟住我就話,車!你唔一早講,你拎你諗左既黎睇下啦,佢就係幫我諗整深藍閃粉底加白色lace再加閃閃既石頭
不過我就唔係好想整深色底喇,總係想夏天少少,所以最終係要左粉紅閃粉底加畫既黑色lace再加好多好多閃閃既石頭,勁呀!!!
一路整就一路既鬼片,其實又唔係好驚,不過我好怕一d突然跳d野出黎既場面,所以我整整下係有大叫啦同埋縮手,係咁比人笑我,真係醜死呀
畫完lace既時候我都已經覺得好令,跟住再慢慢加d閃閃石頭上去就更加不得之了,反左3個鐘之後,一對又lady,又浮誇,又閃爆既玉手終於出世喇,今次又打破個人紀錄,一共用左92粒石,我相信100粒真係應該會係不久既將來就打破,大家等我啦,卡卡
3 comments:
「年紀較大既闊太們會鐘情多閃石既款式」
真架?? 都唔係呀.宜家好多後生都整閃石...閃閃咁好多女仔都鍾意架啦~~ 不過..我唔習慣整太多, 因為好易甩, 一甩就勁唔開心..hee!!
幾時整100粒呀?就結婚周年啦．．．．．
但係本雜誌真係咁講,我即刻問下自己,我究竟係唔係真係年紀大左,所以鐘意閃石,不過好快我就記起,我姨甥女係5-6歲既時候已經鐘意有d閃閃地既衫同鞋,佢仲話閃閃令令好靚呀,所以我完全唔認同寫呢篇野個人既講法,下次,下次,我都會繼續用石,哈哈
結婚周年我想雕花呀,重拾結婚個刻既感覺,嘻嘻
個喱士畫花真係超令呀~
我都唔覺淨係年紀較大既闊太先會鐘情閃石喎,家下興 bling bling 閃石o麻,同埋係女人都鍾意閃既野架啦~^^
Post a Comment