自從上次nic house胎死腹中,比新都城條粉腸玩左我地一輪之後,我真係冇咩心機,冇心機返工同埋又覺得就算你有錢,都未必會搵到間心水舖,因為d死人場覺得你冇經驗,佢地要扮高貴,鐘意你有經驗先比你入場一齊玩呀嘛
不過唔知點解,今次係肥豬冇放棄過喎,佢好努力咁聯絡唔同既商場,宜家我地搵到兩個都叫ok既位,不過就真係要認真諗下邊個location會suitable多d
第一個係新都城一期,佢一定係冇二期咁多人架喇,不過勝在近酒樓,都應該會有幾多人行過去,但係租金一d都唔平,比起二期個間佢仲要貴少少,可能因為佢大d啦,真係要諗下條數計唔計得掂先呀
第二個choice係南豐廣場,對呢個商場好感就冇咩架喇,間舖都幾大,同埋勝在好近扶手電梯,人流都ok,不過望落就唔係好似一d會捨得用錢既人囉,同埋同場有好多童裝,有一間新開既,直頭同我個idea一樣咁滯,所以有d驚競爭好大
聽日約左睇一期間shop,仲有會有人同我地講下申請既情序,咁就聽左先算啦
2 comments:
car car, 我自己就覺得新都一期個場好少人,如果你個位o係"客XXX"附近都好DD,樓下o個層真係好靜,佢D鋪位太散,唔係幾好行,同埋佢D租仲貴過2期?? 唔係下,2期旺好多喎!
至於南豐,我都覺得cheap cheap 地,但人流真係ok,如果你近電梯又近"玫XX"都ok喎,夜晚我見好多人去呢2間食肆食飯架,好旺!咁,至少坑口多D私人屋苑,寶琳得新都,附近全部係屋邨,消費力我諗應該坑口好D,我見我個屋苑都有日本人日本B!um..如果得呢2個選擇,我prefer 南豐多D! 但,第時東港會唔會都有選擇呢? 定睇多D先?
心心,
客瓜好棧個邊係三期呀,我宜家睇中左一期,尋日去睇左舖喇,人流都ok呀,因為佢正正係恆生隔離,都好多人行
南豐就要再去觀察下先喇,可能今日去睇下啦
多謝你意見呀~
Post a Comment