我的Sinomax

自從有一排訓得唔係幾好之後,我就成日都話要買枕頭,本來想買返個cheap cheap Cherry架,百幾蚊可以訓3幾個月,不過肥豬又叫我買sinomax喎,好啦,咁我就去睇啦,點知個日咁啱個sale去左食飯,冇人serve我,所以冇買,一直拖下拖下,直至有一日,我冇意中訓左肥豬個枕頭,死野呀,又真係幾舒服架喇,轉來轉去都舒服架喎,自此之後,我就搶左佢個枕頭自己訓,哈哈
趁住今日肥豬都早放工,我地就決定去jusco睇下有冇平野執(因為將軍澳分店租約期滿),嘩,一入到去都幾混亂架喎,d人揀野好似揀得好開心,不過我地就唔啱喇,行行下見到sinomax counter,我話我今次一定要買架喇,咁肥豬都話「買啦買啦,唔想你訓得唔好又容易病呀」
一行到埋去,個sale serve緊一個客,不過個客好煩好煩,又咁又咁,又話想睇下第二個counter會唔會平d,又話唔知好唔好訓,又好似想買,又好似唔想買咁,但係自己又話d朋友都話好訓,咁你就唔好阻住我啦,我想買野呀,噓~~~
佢搞左一輪去比錢既時候,我就開始試枕頭喇,試左幾個款啦,不過都係好似sale介紹比我既升級版最舒服,所以就揀呢個啦,其實我一直都唔知幾錢架,我記得肥豬嗰個好似4xx,咁試完枕頭我咪行下個counter,confirm下個價錢囉,如果要5xx我就可能要返肥豬嗰個,一睇之下見到係429,我就問姐姐,呢個係唔係即是429呀?佢話唔係呀,仲有個8折,嘩,我真係不禁大叫左出黎,真係好抵呀,3xx就有個新出既枕頭,而且都真係幾舒服呀,事後肥豬話我好似做媒咁,嚇到之前去左比錢個煩女人眼都凸埋,咁…咁…咁我真係唔想架,我真係覺得好平呀嘛,都唔明一個叫好訓d既枕頭都係3xx,個女人都唔知有咩concern,買就買,唔買就唔買啦,又唔係冇得你試,試完都覺得幾ok呀
好啦,最後我除左買左個枕頭仲買左一個貓貓cushion,我不嬲都唔鐘意貓架,不過呢個貓貓cushion真係好舒服,攬又得,挨又得,連nic nic豬都好鐘意… … …咬,哈哈
今晚仲換好晒床單,用新枕頭訓返一個靚覺,正呀!!!!

呢個就係我個太空零壓力枕升級版喇,我覺得好舒服架