終於都忍唔住

近排好似好少買野,衫著來著去都係新買個幾件,因為太肥,所以唔想買新衫,不過今日一早就講好左話要去shopping架喇,所以我地一探完老公同事個bb,就去左cwb行行行喇,其實都唔係行左好耐姐,因為出到cwb都成4點幾5點,第一站又係去我最愛既bv.blu,睇睇睇,睇左一輪,揀左一條褲,一條裙同兩件衫試,第一條裙好鐘意呀,又唔係好肥,不過都幾貴,原價要780,都係諗清楚先得,如果可以就咁吊帶著,我會買囉,不過又唔係,又要襯外套,好似冇左original個味道,雖然我好希望有朝一日我係可以就咁著,不過又係買返放呀?我已經有好多呢d衫喇
第二件係試褲,嘩,唔得囉,原來我宜家已經唔可以再著淺色褲,真係好肥,唔減唔得,所以我係唔會再試架喇,除非瘦5磅啦,我就會開始搵返條啱既淺色褲架喇,哈哈
跟住再試埋兩件衫,其實有一件雪紡都ok靚,不過又唔係靚到我要用5xx買佢返黎囉,所以唔要,跟住有一件有少少復古既唔衫唔裙就啱喇,不過好似怪怪咁,前後都好怪,經我地研究左一輪之後,原來係個招牌前後搞錯左黎釘,所以誤導左我前後調轉著,不過另一個色又冇錯架喎,最終呢,我都冇要杏色,要左深藍,估唔到著深藍都ok喎,咁呢d平平地就買啦,買完衫衫,好開心咁去sogo睇游衣,我叫豬生同我去游水減肥,佢話游水減唔到肥,一定要跑步或者球類運動先得,佢都short架,不過算啦,就算去游水,我都真係冇泳衣可以著呀,我之前d泳衣全部都係兩件頭架,宜家都唔可以著,咁大個肚腩,唔好嚇人啦
點知去到sogo,件件波衣都係3點色,真係唔得佢死,一件頭既真係少之又少,兩件個上身長少少既其實都唔多,眼見有d肥過我既都係度揀3點色,唔得,我都要揀,最多我瘦左先著既姐,所以我就係好辛苦既情況下,終於都買左一套喇,我發誓我今個夏天一定要著到呢套泳衣落一次水,呢套已經冇roxy咁難著架喇,我一定一定要著到架,唔可以再將d泳衣收藏,等我啦,哈哈
之後就再去G2000買恤衫,今次唔係我買,係豬生買,因為佢由聽日開始就可以唔打tie返工,所以佢要一d有紋既恤衫會好睇,一買就買左4件,不過好抵囉,4件都係6xx,真係超值呀
到最後返左媽媽屋企,我都仲係死唔蝕抵,上網揀左幾件衫,要人幫我係日本訂囉,係要比charge架,不過宜家就計緊邊間平,同埋就算有charge都平過香港,個point係我知呢d係日本野,我好怕係香港買d大陸野,但係賣日本價囉,就算我宜家係日本訂個d都係made in china,咁話晒佢地都經日本qc過,都有d信心既,其實講到尾都係我太祟日姐,哈哈