今日係nic nic豬打混合針既大日子,其實都冇咩特別既,呢支針係一年打一次,於是我就約好左bob cook一齊去打,亞哥知道左,仲打埋proter去添
出師不利,一早諗住自己揸車去架嘛,死人豬又唔一早借車喎,前一日打去先知架車拎左去整,冇得用,於是就叫fei e坐亞父車,我地就坐的的去啦,點知我地打算出門口時,fei e打黎話亞父架車跪低左,佢都要打的的,咁於是佢就上的的先,之後先黎車我地,的士叔叔見到nic nic眼都突埋,因為車上已經係bob cook,仲要多一隻大狗,佢好驚呀,驚都冇法啦,都係要車架,哈哈
去到診所都冇夠4點,不過因為冇人,所以都算幾快就可以入去打針喇,第一次係我地既可愛nic nic豬,我都知佢肥左架喇,不過又估唔到佢真係肥左咁多喎,一上磅就大件事喇,28.1kg呀,上次都已經肥肥地架喇,有成26.xkg,不過個時都唔叫overweight既,都見到少少腰,宜家?冇左條腰,好似媽咪咁,仲要比醫生笑佢係茶几,冇法啦,nic nic豬你要減肥喇,你要戒零食,同埋冇得雞肉條加狗糧架喇,同埋要跑多d,不過唔緊要,媽媽同你一齊減,你要減6磅,媽媽就減12磅啦,希望大家條腰會早日重生,哇哈哈哈哈
第二個,同bob同cook喇,bob同cook都肥左,尤其cookie,又重返到11.xkg,點算呀?又要減肥喇,如果唔係唔得健康架
跟住到porter,佢太瘦,醫生要佢食多d野,都話亞父唔比野佢食好慘架啦,佢應該黎我度,等我谷肥佢就差不多喇
你睇我養豬幾叻先得架,第一個就係肥豬,第二個係自己,宜家連瘦底既nic nic豬都真真正正做埋豬氏一族喇,哈哈
仔仔,努力呀~~我地一定會瘦返,仲好fit添架,哈哈
4 comments:
NIC NIC 同 Creamy 差唔多重 wor....Creamy 都減左2年肥 ga la! 但都仲係咁重, 減來減去都係咁......
creamy都係28.xkg呀?
原來nic nic咁大隻架喇??死喇,咁佢一定要減減減,我又覺得nic好易減喎,首先我已經比少左好多零食佢食,狗糧既份量唔叫少左囉,咁佢肯做運動架,我叫佢跑,佢又會跑,有時啱都會同狗打下交
不過creamy好文靜,佢好似唔多想郁喎
我諗住今個星期又同佢磅下,睇下一個星期會唔會有少少成績先,我覺得佢條腰好似幼左少少啦,卡卡
Creamy 得3個情況先會變另一隻狗 ga jar......
1. 見到豆豆
2. 游水水
3. 同老豆拍波波.
但呢 d 野都唔係日日做呢....
至於小食, 佢真係絕少有得食 law....糧就一日先得個2.3cup (hills cup)
總之佢真係好可憐 la.....
宜家nic nic游水唔會太興奮,佢宜家好似一個亞伯咁,游水好慢咁游,唔會好似以前咁癲,不過游水都係一個有益身心既活動,我都會keep住3-4星期同佢去一次既
至少nic nic係見到邊個都好興奮架,不過玩得既,我先會放佢玩囉
自從要減肥之後,我日日都有同佢跑一陣,有時我唔跑,就我同佢老豆一個企街頭,一個企街尾,係咁叫佢,等佢跑來跑去囉,不過DR話要小心留意佢會唔會中暑,就算夜晚去反,都要小心,因為可能d熱氣係個地下度升上黎,所以我唔會同佢反得好過份囉
零食宜家一日兩次,早餐可以食一次,我放工返屋企又一次,以前係鐘意就比,鐘意就比,覺得佢好乖又比,覺得佢好得意又比,宜家已經減左一半有多,應該對佢黎講係好work架喇
Post a Comment