哈哈,一直以來同呢隻豬鬧交,我都真係好想記低佢d妙問妙答架,我地成日都笑老爺奶奶9唔搭8,時時都表演妙問妙答,其實佢地個仔一樣深得佢地既真全,唔信?你睇下就明架喇
情況1: 今日lunch時一見到面,明明我仲係好唔開心,佢死晒狗話要黎wan chai同我食飯,好啦,我落樓第一眼見到佢,居然係一個好樣衰既樣,好嬲,我知道佢係嬲我仲係唔開心,一行出lobby佢就大大聲好惡咁同我講
“嬲嬲嬲,你嬲完未呀?大帝!你嬲咁耐為咩呀?”
情況2: 坐低食飯時,豬都仲係有d惡同唔願意咁同我講
“今晚去行街啦,去食飯啦”
“我唔去,一早話左我唔係想去街”
“咁你即是想我買野氹你啦”
我搖頭
“即是你想我做d野氹你啦”
我點頭
“唉~~我唔識呀!我真係唔識呀!!”
情況3: 我真係唔開心到食食下飯d眼淚湧左出黎,不過都只係飲泣,個頭亦都垂到好低
“你唔好喊啦,你喊咩姐”極不耐煩既聲音
我默不作聲
“唉~~~~~~~~~~”掉包,用雙眼狠狠咁掘住我
情況4: 講出左我想佢係放工前諗定去邊食飯,冇其他要求,唔駛送禮物,唔駛買好名貴既野
“我唔覺得一定要一早諗定囉,係唔係一定要諗定先得呀?我打算同你一路行一路諗”
“次次出街都係咁架啦,我就係想你係特別既日子為我安排少少野”
“我同你根本就有!!!分!!!!歧!!!!!!冇野好講,同你溝通唔到”
錯晒錯晒,說話越講越難聽,短短一個lunch足以令我個心更傷
9 comments:
“我同你根本就有!!!分!!!!歧!!!!!!冇野好講,同你溝通唔到”呢句係妳講定係佢講架?
哎……算啦, 有啲男人, 佢唔係唔愛妳, 但係就係唔識表達出嚟, 講啲嘢錯哂, 做啲嘢錯哂.
自己開心啲啦. 唔好喊, 工都係要番, 日子都係要過.
個老公係自己揀, 有開心之餘都要承受啲唔開心嘢.
o個個野梗係佢講啦,我宜家同佢鬧交講野唔會咁毒架
我都明你個道理,所以我未係度打打打,打打打囉,我呢兩日反而係比平時做得多野囉,因為係咁做做做,冇咁多時間自己諗野呀嘛
姐姐,你好返未呀?
都係差唔多, 不過尋日已經無返工喇, 今日要出現喇. 而家把聲沙過大L.
係啦, 講出嚟啦, 舒服啲架.
唔知妳今日有無同阿豬生食lunch呢?
你星期六日多d休息喇,飲多d水同埋訓多d,唔好再咁勞動喇
有呀,有同佢食呀,總算好返d啦,我叫佢自己對住塊鏡鬧返佢鬧我d野出黎,佢自己都話好樣衰喎,卡卡
咁咪好囉, 雨過天清. 可以開心過weekend喇!! ^___^
唔好喊啦,妹!睇到我都心...
係度打出黎發洩晒佢,唔好挭住挭住!
唉...男人有時就係咁...
男人同女人真係來自兩個星球架!
我同肥雞曾經有段時間好唔開心,我買左本"男女大不同"返黎睇,睇完個心真係舒服左!
本書講既野好o岩,我真係好有得著!
http://www.sleeply.com/man/
放鬆D啦!
咁咪好o羅!開心D喇!^^
心心,
我都有本男女大不同呀
不過我睇左少少就覺得好悶喇
我唔知佢男個part近唔近似啦
我覺得女個part好似唔多似自己喎,所以冇心再睇
我都無睇晒本書,因為始終由英文翻譯為中文,有D野太冗長沉悶!我跳黎睇o羅,講男人勁似,你會發現自己同情人o既生活片段會出現o係書入面,透徹分析晒男女之間個性,心理,情緒,表達方式點唔同,話你知男女之間o既衝突係點發生,同埋要點解決,係有用既,但要好有心機時同埋鬧左交先會睇o羅!^^嘻!
不過家下無事咪得o羅,肥豬咁錫你,一定
(乙水)番你既,佢係間唔中發下豬瘟噏D無心話姐,無事喇,一天光晒啦!^^
Post a Comment