今日一早就起身,爸爸媽媽好似一早就同我講左今日冬冬同多多會黎同我反,所以爸爸媽媽一早起身,唔知搞咩,我又要起身喎,我好鬼眼訓架嘛
之前好似話亞父10點幾黎,最終就11點先到,一開門,嘩~~正呀,係冬冬呀,我就一支箭撲埋去同佢打過啦,我同佢係門口度係咁打,係咁打,d人好似入唔到屋,於是唔知邊個就堆左我地兩個入廳,大家就睇住我同冬冬&多多大戰,連佢地係我鐘意既莎莉蛋糕我都冇理過,一路打打打,打到12點幾,佢地話落街,我地就一行3隻狗一齊去海濱長廊反,一落去已經有dick dick係度,都唔理咁多,成堆狗打埋一堆,之後又有個姨姨同我反波喎,佢都冇狗既,冇端端又黎同我地反,不過是但啦,總之一路係咁打,打到1點咁,我地就返上屋企休息,冬冬多多就要入廚房,我就係廳,爸爸媽媽就同所有人去食野,佢地好似留低左我地係屋企成4個鐘先返呀,一返黎,執好晒d野又走過,不過今次連冬冬多多都走埋,得返我一個咋,不過我都好攰呀,爸爸媽媽走左之後,我就一直訓訓訓,訓到天光佢地先返,就係咁,過左我狗生第一次既新年喇
Subscribe to:
Post Comments (Atom)
No comments:
Post a Comment