兩年前今日既呢個時間,我應該係QM喊緊,因為得好少靚胚胎,我真係好失望,亦都好驚用晒3個都唔得,又要重新再做多一次療程,點之就係兩年前既呢一放,完全改變了我餘下既生命,就係呢兩粒肉眼都看不見既小胚胎,在我肚內不斷成長,宜家已經係兩個會行會走會笑會喊既小魔怪,風爽,多謝你們在我生命中出現,多謝你們帶給我的快樂!
Nic Nic,更加多謝你不知不覺已經陪左我就快7年,你係我生日來到呢個世界,比我地有緣一齊生活,你真係我個大仔黎架,你地3兄妹要好好地相處呀!
我相信我唔會再有第4個小朋友了,只有你地3個,3個都要健康快樂,乖乖地呀!
1 comment:
欣賞你對三個小魔怪既付出 更肯定你是位好媽媽!! 希望你的家庭生活愉快 與豬先生鶼鰈情深!! 同是女生 看到你每次灰心氣餒都覺得心痛 只好在這裡為你打打氣!! 加油!!
Post a Comment