開工日,本來今日約左放工去見輔導,點知嬌姨10點幾打比我話想黎,本來佢見我要返工都話第日先,不過我lunch又打去同佢傾電話,佢話都係黎喎,所以我冇去見輔導,一放工就即刻返屋企喇,6:30前返到屋企,真係快到呢。
一返到屋企,又見返嬌姨,真係好有以前個感覺,好似我坐完月去街返屋企一樣,唔會太心掛掛風爽,因有嬌姨係度,一返入屋好熱鬧。佢攬住風爽都唔捨得放手,佢地兩個又好似認得嬌姨咁,玩到好開心,今日仲留低左嬌姨食飯傾計,真係好開心呀!!嬌姨,風爽成日都好掛住你,你多d黎探佢地啦,其實我同atik都掛住你架,哈哈!!
No comments:
Post a Comment