中秋BBQ

老公話想BBQ,所以今日出去買少少野返黎燒野食啦,知道大住個肚唔可以同人迫,又買得唔多野,所以都早左去街市架喇,去到時都仲見到有鮑魚,諗住買埋粟米先返轉頭買啦,點知唔夠5分鐘,已經咩都冇得賣,所有魚檔都係得魚,冇蝦,冇鮑魚,冇扇貝,冇象拔蚌,總之所有可以用黎bbq既海鮮都冇晒,所以是但係街市買少少野,之後去左百佳買塊靚扒開心下。出一出去,的出的入都要成舊水,其實我宜家出街真係好唔抵,去最近既mos都8x,唔好話去更遠既地方,真係冇事出街少破財,不過我都真係好enjoy製造小驚喜,如果我話想食咩,老公為我準備,我真係會好開心架。


買完返屋企,將所有野放好晒就要午睡,唔訓唔得掂,今次係我地一家三口最後一次bbq,下次再燒時,風爽已經出世架喇,希望一家五口,樂也融融。