抽卵前最後一次陰超

好彩之前計啱晒日子,老公今個星期放假,全程可以陪我。今日第一次平日揸去qm,估唔到7:45出車都塞都痴痴地,最終我要8:38先到5樓,仲要交錢又唔係平時交個度,老公趕唔切過黎meet我,搞到我今日自己一個人入去照u/s,好衰唔衰今日要比個見習幫我照,佢啱啱放入去都還可以,點知度size個時我懷疑佢左右手唔協調,隻手度緊呢,另外一隻手好似亂撩緊咁,同埋佢睇黎睇去都唔識睇,搞左好耐亦都搞到我好痛,我已經係咁縮,又有抖大氣,10問9唔應醫生只係拍下我隻腳叫我放鬆d,我覺得自己好慘呀,點解我要比實習撩喎,真係好xyz痛呀。

一出到黎見到老公係門口等我,我就對住佢喊喇,最怕受呢d苦,我覺得自己好可憐呀,好似一隻白老鼠咁,任人照又唔出得聲,問野又唔答我,我仲要專登見個見習行過,再喊大聲d添呀!!!!

坐左一陣有人叫我入房同我講解抽卵同放胎既事項,要簽返agreement,跟住打左今日支谷卵針同抽左血,拎埋入院紙,今晚打夜針既notice,咁就可以走喇。