呢d全部都係紥辮架,其中有3件係頭夾
除左用黎紥辮,宜家仲好興帶上手,又真係幾靚架喎
仲有少量頭夾,原來我買得咁少,早知就買多d啦
Earrings
就係因為大家姐叫我買多少少耳環比佢揀下,所以買買下,買左10對,其實宜家睇返同諗返,我不嬲過到去都會買好多耳環,因為我覺得日本d款真係多好多好多,同埋好似靚好多咁架
左:前排都係一粒粒既款,我估大家姐會鐘意呢d,所以有d同款買左唔同色
右:多數都係蝴蝶結款,因為我好鐘意囉,特別係後排最左個set,唔知點解真係好鐘意;其實對花花都幾唔錯
手鏈&頸鏈:
Delyle首飾,老公覺得我買得好癲,不過最貴都唔過4000 yen,都幾ok呀,買左3條頸鏈,一隻手鈪,一條頸鏈
左:老公覺得呢隻手鈪真係太浮誇又唔match我style,不過我覺得真係好靚喎,死都要買
右:呢條手鏈係非常十分之鐘意,如果有同款既頸鏈我一定會買
左:係Lattice買既平平平頸鏈,315 yen真係平到呢,點可以唔買?
右:珠鏈3大條,右邊個個條可以拆散兩對帶架,幾好玩呀
左:毛毛波鏈兩大條,除左蝴蝶結,毛毛野我都好鐘意架
右:係香港都見過既earth music鏈兩大條,比香港平好多,仲要咁啱預到有幾日做9折,又再平d,bear bear係黃小深要既,蝴蝶結係我既,hehe~
到埗第一日買既長銀包,即買即用,超級好用,宜家好鐘意用長銀包,呢個用得2-3年,好大可能會買個miu miu,卡卡。銀包上的白色蝴蝶結係自己買黎襯既,好明顯我係pat痕買,呢d野可有可冇,不過有就開心d囉。右面係samantha電話繩,因為我忍受唔到我宜家用緊個條甩晒d石,所以要再買過。
最後影一影今次既飾物全部都係呢4間shop買既,heartdance係一間我好好好鐘意既飾物店,我次次去到都好似唔捨得走咁,亦都係買得最多野。紙盒個間係0101入面,又唔叫好好睇,不過勝在如果係0101買埋其他野,有得退稅好似好抵咁。Lattice係心心介紹我去既平價飾物店,我只係去左sapporo個間,唔多野睇,不過315 yen咁抵,唔多野揀都是但買d啦,卡卡。earth music & ecology其實香港都有,亦都唔係主打飾物,不過佢d紥辮我又真係幾鐘意喎,加上d頸鏈真係平過香港好多,唔買唔得,哈哈~~
10 comments:
earth music蝴蝶結頸鍊好靚
Delyle 係咪有條係我架?哇卡卡~
heartdance 係令人流連忘返架...
好令呀,好想去日本呀~~
心心,係呀,delyle有一絛係你架,你揀啦,3條都有個好唔靚既腸牌,我覺得拆左去會靚好多囉
係喎,我次次去heartdance都會好開心,揀好耐,第一次去,揀到xxx個樣好衰,因為我真係睇左好耐,同埋佢覺得d野來來去去都係一樣,唔駛睇咁耐
去啦,日本真係一個令人發癲既地方黎架,係heartdance買d野全部都好似under 2000,只係可能有一件半件係2000頭架咋,真係揀得好放心又開心
竹太,earth music條鏈香港係賣399架,yen價係2990仲有9折,當對9,都係$242,平好多呀
睇完車車介紹, 真係想即時飛添呀~~
講到又平又靚...........香港買依d好貴架.......尋日去金鐘睇, 普普通通都400幾, 唔值呀!!
唔怪得你地要時時去日本啦.........
我可吾可以睇晒真身先決定呀?嘻~
我通常自己行先竄入飾物店揀,我可以留耐D ma~ 肥雞如果o係度等,我吾敢留咁耐架,因為我要慢慢睇,哇卡卡~
齋睇都開心~
小pp,都話日本會有吾貴又好令既野架啦,你自由行去一定會愛上日本架~
小pp,去日本自由行同跟團我估真係差好遠,無論北海道定東京,都係要自己周圍行周圍揀先開心架,我覺得跟團只係比3個鐘你行個mall,同埋如果係東京,我覺得佢地只會睇你去seibu,三越呢d,唔夠好行架,要去下my lord,0101,parco呢d先開心架
你再去啦,你問心心,佢一定可以provide好多info比你架,其實我都可以比好多你
如果你要喪買,一定係要去東京架喇,如果你唔想咁喪,主供食,就去北海道啦,都有野買,不過一定唔及東京喪架喇
心心,我今次成功放低左肥豬2個鐘+一個上晝,所以我係heartdance揀左好耐,好鬼開心,買衫都買得好爽,佢一唔係我身邊,我就好喪喇,因為好驚又同佢一齊,佢會樣衰,搞到我咩都買唔到,不過我今次好叻喇,我咩都有試上身,真係好睇先買架喇
飾物我唔係好"好"，不過d耳環真係好靚囉！
Delyle手鏈同頸鏈都好靚呀! 黑色毛毛嗰兩條長頸鏈都靚呀! 我又係次次去到heartdance都睇得勁耐, D款好多同好靚! 連Lattice我都勁買, 實在太抵d款都唔錯~
真係好想好想去日本呀!!!!!
小仙女,咁毛毛個兩條,你揀一條呀
lattice札幌個間好細架咋,其實係一個counter仔咁,唔係好多野,不過315喎,是但都買d啦,買完都唔駛2000 yen走人,個份開心都好足夠
去日本啦,plan下啦,一係我地一見到d yen平返,就約埋一齊去啦,卡卡
Post a Comment