這是我的LE CREUSET第二及第三件collection,真係唔好用,拎黎做display都夠正啦,哇卡卡!!
兩隻大碟很不漂亮,我要買過兩隻靚碟。中間的日本柚子醋很美味的,配沙律一流!!是夜還有一碟'尾'盤 - 哈蜜瓜+咩咩ham,因為煮得太辛苦,最後食完晒,洗埋碗開雪櫃先見到一早準備好的頭盤,人老真係冇咩記性,咁都可以唔記得。
美國rib eye + 帶子串,好味好味好味!!!不過我將牛扒反來反去都係整唔到格仔紋,下次我會再研究下點反先可以整到格仔架喇,hehe~~
買了grill pan,真是一個天大的藉口給我經常買扒,哇哈哈!!!
10 comments:
睇到我好肚餓呀....個樣好好味！
LE CREUSET 紅色真係巧令~
好想買 grill pan 呀!!!
好正既晚餐, 睇到流口水!!!
煎牛扒時唔應該反來反去, 想打格格就反 3 次 (即係煎4次), 咁就有2邊都有靚靚格格 la.
睇相件扒比例薄, 下次你叫佢 cut 1-1.5吋比你. 如果煎厚扒, 除左2面外, 最後要煎埋2條邊, 咁就可以封曬 d 肉汁. 上碟再用鍚紙 cover 曬 d 扒, 等佢 rest 返3-5mins, 就唔會好多血水, 會更好味 ga!
你買呢個煲正呀! 用來炆野比我果隻更好. 炆野時係蓋面加水, 等 d condensate 落流返入去, 更原汁原味! 但記住炆野時落少少水已經夠, 呢個煲真係走好少水 ga jar.
啤太, 叫車車帶隻grilled pan同牛扒探你同心心囉~卡卡
啤太,你生完心心,我整比你食呀,不過你黎我屋企,唔好叫我帶d野去你度得唔得呀?卡卡
心心,其實除左藍色我覺得好麻麻之外,好多色都好靚,1113去買買買啦,我想買多個細煲煎飯,同埋要多一個冇坑既煮pan/中式鑊。
eva,其實我係兩面都煮佢半分鐘左右就反佢囉,跟住就一邊煮佢1.5-2分鐘,就係反完第一次見格仔失敗,我再反第二次都已經睇左好耐,不過都係錯左,打唔到格仔喎
等我下次又試下用你個方法煮先,正!又有藉口買扒,卡卡
係呀,我就係鐘意呢個煲多一個function,所以先揀呢隻,個亞姐講到好似好好用咁,所以買呢個款囉
你遲d又買返個啦,反正你成個kitchen都係,再買多一個儲齊d呀嘛,卡卡
竹太,grill pan+牛扒,係唔係新興既送禮item呀?哈哈~
你知啤太生得咁密, 真係唔知送咩俾佢, 咁整d佢鍾意食嘅野幾開心呀! wakakakaka
細煲仔好用 ga. 2個人 16cm (try me price 勁平) 已經夠煮煲仔飯, 但煮餸就細左 d. maybe 買個 18cm/心心煲, 就煮飯煮餸都 ok.
冇坑既煮pan/中式鑊就唔多 suggest 你買, 都幾易 chi 底, 要好小心用. 我個冇坑 pan 都係用來煎羊架, 鵝肝.....先用. 普通煮野都係用易潔 pan.
而我個鑊更加係炒大鑊野先用, 除非用電磁爐, 否則無乜需要買佢既鑊.
eva,你唔講真係唔知冇坑pan同中式鑊都唔係咁好用喎,咁又可以慳返,我買多一個16/18cm既煲就陪喇
thanks!
嘩哈哈，你叫我生完心心就整俾我食，好似獎勵我咁呀！如果你真係整我會好樂意架！卡卡卡
啤太，你生完心心，坐完月，擇個吉日黎，我整比你食啦，我講真架
你兩年黎都要大住個肚，真係好辛苦，係要獎下你架喇，不過我好驚你好快又有三三囉，卡卡
Post a Comment