魔魔集團首次出擊@荃豐中心

首領今日帶住3個魔魔集團會員大戰荃豐中心,點解係首領帶領呢?因為係我好想行荃豐又唔識路,想約竹太,約約下就約埋小仙女,連啱啱大戰完東洋既心心都被魔一齊shopping!
今天起身既時候好唔願意,加上爛腳,老公又嚇我好唔返,所以請左sick leave去看醫生+shopping,一早起身打完電話,又唔想即訓,又想等到9點試下book睇專科,又上左網玩,我都明知道自己係唔會早到出門口,所以我book左3點睇醫生,上網玩玩玩,玩玩玩,玩到10點幾先再訓,以為自己可以訓一個鐘起身,其實我唔到last min都唔想起,最終1點離開張床,搞呢搞路,搞到2點出門口,因為行出村口用左我5 min,等車又等了我10 min,去到西貢又要等上滿人先開車,最終我3:30先到診所,前前後後用了半小時看了一個廢醫生。
看完醫生打電話給竹太,問問她佐敦點搭車去荃灣,佢suggest我搭地鐵,咁是但啦,不過可能我真係少左搭地鐵,好唔憤,一入車廂就覺得有濃烈既臭佬味,我真係頂唔順呀,最終搭左兩個站,去到mk我決定轉小巴。小巴係開得好快,不過我是第一個上小巴,都要等好耐先坐滿人,去到千色店落車,正式展開今日既shopping之旅,哇哈哈。
因為我落左車先打比竹太,所以我自己一個行住先啦,第一間想去既shop係小仙女之前講過很平的shop,不過我行了兩個圈都找不到,但我沒有放棄,最終都比我搵我,不過未開門,5點都唔開門,同nic house有得揮。
再行再行,入過幾間shop,有d都有一兩件鐘意,不過又覺得價錢都係同家樂差不多,同埋有d又要自己問價,好煩,所以都係行行睇睇,直至去到ee的舖,真是心花怒放。店內裡既貨好密,其實又唔係話真係好吸引,不過比我見到有一件我係始創買左大拿拿要$699 7折的蝴蝶結衫,折完再講價都要$470,宜家ee shop賣$378,平到呢~所以激起我一定要係ee度買野既念頭,死搵爛搵,有一件大蝴蝶結鬆身長衫的確唔錯,想付款走的時候,又見到貨架上面又好似有d唔同既衫,我又問下袋住既衫同掛出黎既衫係唔係一樣,ee話唔一樣,叫我自己搵下,可以拆比我睇,其實包好晒好難睇,不過我唔理啦,照玩,開左一件返工top真係幾靚架喎,同埋係made in japan,咁開完一件我又好努力再摷,唔知係唔係我雙眼發光定係點,玩左一弄ee突然好熱情招呼我,係咁開d衫比我睇,開幾件都有一件真係好啱我,好靚架,揀呀揀,照呀照,當我玩得興奮莫名的時候,竹太已到,她問我係唔係揀緊,我話係呀,揀左個d(當時枱面上的衫是一堆的,都頗嚇人,我見到竹太呆左0.01 sec,哈哈),我見竹太已經到,咁我就唔再同ee玩,再認真d睇下要邊件就走人啦,臨比錢,ee都仲開多一件真係好靚既衫比我睇,um...係有d貴,不過我好鐘意呀,所以買埋,最終買左4個item,不過呢4件野好鬼貴,但係全部都係made in japan,同埋全部都係平時睇開小燕blog賣既brand,我又好想試下,所以買晒,哇哈哈。
行多兩行,心心都到了,我地係荃豐食少少野先再出發,同心心行冇咩收鑊,加上我都買到夠晒,唔想再買,都係睇下格下價咁囉。
小仙女都到埋,竹太都差不多要返屋企食飯,咁就得返我地3個再行再行,小仙女帶左我去另一間佢覺得平既shop,呢間原來就係ee隔離,呢間d野都真係幾平,不過如果同ee比,都差少少,都係ee最平,小仙女係karen度買左我之前都買過既花花鞋,$430真係平過我買好多呀!!!咁karen又話比我地知,佢地仲有一間shop,我地周圍行完,就再去埋呢間度玩下啦,呢間c26雖然細細間,不過少人d,同埋多d鞋,我仲好醒同心心揀左一件外套襯佢條日本裙,咁就可以去飲啦,而小仙女試試試,試揀一對豹紋鞋同一對短boots,兩對都靚呀,不過睇睇下我又幾鐘意佢對豹紋鞋,其實我唔係鐘意d豹紋,我係好鐘意個毛毛波,因為小仙女隻腳比較大,毛毛波都相對細size的鞋大,佢又覺得好奇怪,好似獅子,咁我又試下夾佢個大波波去我隻細size鞋度試著比佢睇啦,其實我覺得好得意,小仙女都話佢覺得我著係得意,不過夾返去佢度就唔得意,好似獅子,搞完一輪,最終因為買兩對平多10蚊比我地,$420一對鞋,平到呢~~所以我又跟人買左對豹紋鞋配大毛毛波,小仙女個對係大size鞋配細毛毛波,同埋係呢間shop揀左一件好靚既oops毛毛背心外套,我覺得好型囉,卡卡。
中途我有返回ee shop買左一件oops打底衫,呢件衫返屋企一試,好鬼瘦囉,正呀!!!
就係咁,行到9點幾,舖都可以閂,我地幾隻野先去食dinner,一路食一路講頭先買野同咩都講一餐,其實係笑多過食野,開開心心咁買買買,食食食就完成左魔魔集團首次出擊,勁呀!!!
(其實最勁係我,小仙女買左幾對鞋我都覺得幾勁,心心令人好失望,係咁魔佢都只係買一件外套,噓~~~)