不得不提的飯腳 之 第二回

回看我的日誌,原來我在兩個月前忍不住要發表一下我對飯腳的不滿,不再跟他談私人事,原來吹水都吹得我很生氣,原來天生一張賤咀,便永遠都是賤咀,就算樣子生得怎樣好看,擁有一張賤咀還是令我暗暗咀咒他,最好他的女朋友快點遇到另一個比他好十倍的男人,哇哈哈。
今次又有什麼得罪我呢?由昨天開始說說
昨天正在去吃lunch的時候,他問我是不是決定了core leave的日子
我: 決定左
他: 幾時?
我: 10月
他: 10月頭呀?
我: 尾呀 (隔了好幾秒再補充) 10月中至尾,總之10月返兩個星期啦
他(搶答): 咁更係返兩個星期啦,一個月得4個星期,放core都放兩星期啦
我: 妖,點q知你會唔會以為我10月尾放姐,頂你呀,講多一句係唔係唔得呀? (頂佢個時,實在想用真正的粗口鬧他,所以有一點點口窒)。真係嬲到都唔知鬧你d咩好呀
他: 更係啦,因為我都冇講錯,唔通一個月有5個星期,6個星期呀?放兩個星期假,唔係返兩個星期,會返幾多個星期呀,我都冇講錯
我: 頂你啦,我第一句答你10月尾,我唔知你會唔會好醒咁以為我放10月尾至11月頭架嘛,你知啦,你聽野聽頭唔聽尾,要搶答架嘛

(大家冇再出聲,其實我係嬲到噴火)

今日事件 1:

Sametime問他lunch吃什麼,他答sandwiches,我覺得沒問題,不過我想先去wellcome買milk及看看今天有沒有我常喝的咖啡賣(因昨天去過是缺貨,飯腳也知道我昨天自己一個去過wellcome)
我: 去wellcome先
佢: 尋日唔係去左咩?
我: 係呀,冇金裝3合1,同埋要買奶。不過是但啦,我可以係7-11買奶(其實講緊係兩個唔同牌子既奶,我當然喜歡wellcome的多一點,不過到7-11買都可以)
佢: 點呀?一係我去買三文治,你去wellcome啦
我: 咁我去7-11買,食完飯先自己去wellcome,不過你以後買橙汁,唔好叫我同你去wellcome買喎
佢: 你成日都有好多野買
我: no excuse

(點解我要咁講呢,係因為平時食三文治,我會買奶,佢會買橙汁,不過佢飲個d防腐劑橙汁,一買可以買6支,我買奶就只會買2盒,所以我買奶一定密過佢買橙汁,不過好多時,如果我冇十字牌奶呢,我都會去7-11買,不過今日因為我要買咖啡想順便lunch前去行一次,順便買埋十字牌奶。頂佢呀,我唔係冇試過叫佢自己一個去買橙汁,我自己去買三文治架喎,不過佢又想有個人同佢吹下水,咁我冇所謂,一齊行下姐,我多數都會同佢一齊去完買橙汁先再去買三文治。妖,如果我陪你就得,你陪我就唔得,以後都唔會一齊去wellcome囉。)

今日事件 2:

由於我很緊張nic nic在我旅行期間的住宿問題,一邊想一邊又行了後樓梯去canteen check email,去到canteen層才發現我沒有帶staff card,困了在後樓梯,等了一會才有人出入,我才可以進入canteen,返上office可以搭lift,再在不用staff card的一邊進入office,當我上網的時候,飯腳又到,問我去了wellcome未?我說沒有,不過見到你就好喇,一陣同我返上去啦,佢: 做咩呀?我: 咩都冇帶,你係度咪同我一齊上去啦(因為以前到canteen食飯,如果要回office,我地會行後樓梯), 佢: 有辦法既,冇理由冇辦法架?搭lift上去囉,一定返到去架, 我(已經火起,唔上就唔上,我估佢一陣可能要落樓下食死人煙,咁你咪正正經經講囉): 咁一定有辦法啦,我頭先都係企係度等人嘟我入黎,見唔到你,我都識上去,諗住一齊返上去姐,痴線!!!

今日事件 3:

其實係發生o係買完三文治返上office既途中,我話:好煩呀,本來想帶nic nic去愛護既寄宿服務,不過打完去,佢話full晒,我好down呀, 佢: 唔住酒店? 我: 咪一樣,名姐, 佢: 唔同,即是住民宿同酒店喎,酒店高級好多
妖,我都費時再同佢講,9唔搭8,機乎想叫佢唔識既野就唔好出聲啦,痴筋!!!!!!雖然有間dogotel係真係幾合心意,不過太貴,我又唔想住,但係我唔係一個貪平既主人,我要揀個可靠既地方先安心帶nic去架,死白痴搶答低能仔!唔係酒店就一定好架,收得你貴唔一定對你隻寵物好架,真係好膚淺!!!!!

~暫時鬧完,好大可能好快又有第三回~