我的衣櫃門不見了

話說我有兩個衣櫃,一個沒有門,一個有門,有門的是做了漸變色,即是每一度門的色都會有深淺的分別,安裝衣櫃時,我一望已經知道顏色錯了,左右搞錯了,當時老公已經叫我要向傢俬公司講清楚,他們有責任幫我弄妥,冷靜下來看一看,其實只是兩度大門的顏色調轉了,不過因為左右的較位位置不同,不可以拆出來再裝就可以。一拖再拖,拖至7月11/12日才到傢俬店講清楚,那時傢俬店的人說上星期找同事來幫我弄妥,我一心以為他們要帶工具到我家幫我弄妥 / 直接做多兩隻新門給我,替我跟換,其實我一直都不急於換門,不過換就一定的。
直至剛過去的星期六,師傅約了我星期一上來,不過星期一要上堂嘛,我便約了今晚上來,但我又不在家,因為早早約了朋友傾星期六搞攤位的時,唯有靠老公幫忙,前一晚我已經貼好post it,說給老公聽,應該會那一度門跟那一度門對調,說實話我真的很怕他的「超好」記性,為免自己勞氣,以為貼post it是最好的方法,怎料… …意外還是發生了!!
事發是在mos老公車我回家的途中
我問: 個櫃搞掂喇?有冇整污糟我d衫呀?
老公: 冇呀,不過整花左個牆囉
我: 邊度呀?又會整得花既
老公: 咪樓梯個度囉,搬走個門個時整花左,都唔知點解會咁架
我: 咩話?搬走?咁佢換返兩隻新門比我呀?
老公: 梗係唔係啦,搬走左去整囉
我: 搬走?咁我宜家冇左兩個門呀?
老公: 係呀
我(已經開始惡): 咁你有冇問幾時拎返黎呀?
老公(唔覺得有問題): 冇喎
我(惡喇惡喇): 點解你唔問呀?咁佢星期六之前拎唔返返黎點算呀?
老公(繼續唔覺得有問題): 冇架喎,冇咩得點算架喎
我: 你唔係唔記得我星期日有人黎呀嘛?
老公: 我知呀,咁又點呀?
我: 咁又點?唔係咁樣衰呀?你知我好緊張間房架喎
老公: 咁你聽日自己打去問囉
我(好惡架喇): 聽日先問?宜家都比人拎走左啦,佢拎個時你唔同佢問?
老公: 佢地唔識架喇,都話唔到事,問都冇用架啦
我: 係呀係呀,人地唔識呀,唔通你識,問下都知道究竟呀,你冇問就話人地唔識
老公: 你惡我都冇用架,宜家都冇辦法

我嬲到頭頂噴煙喇!!!

一路由屋外鬧到屋內,我嬲得一回家連我最愛的nic nic都不摸,不叫,直衝入房,換衫訓覺,老公還在廳好厭我無端端發脾氣,不知過了多久,他本來是入來和好,不過後來是鬧得更勁,他鬧他覺得我無理,他屈我一早知道他人會拎走我私櫃門,他還覺得沒了兩度門都沒有問題,我鬧他忘了幫我問,還覺得沒問題,還要硬說我之前一早已經知道,最大問題他覺得就算有朋友來,少了兩個門都沒問題,還說不知道我會那麼緊張。好好好,什麼都好,既然他覺得沒問題,我連環的鬧家裡的雜物什麼都不會再執拾,反正沒櫃門是沒問題,看其他人見到一堆堆雜物我都覺得沒問題。最終他死死氣的幫我打電話給拆門的師傅,跟他人追討櫃門,內容我聽不清楚,因為我在房生氣,他在廳打電話,最終他對我說他們只答盡量星期六給回我兩隻門,是盡量,我都不理師傅怎答他,我說是他不好,如果一早知道要拆門而又需要長時間才送回給我,我一定不讓他們拿走,再等多1-2個月才給我弄妥都不遲,總之總之,老公問我到底想怎樣,我說我一定要星期六或之前要回兩隻門,顏色調轉都不緊要,錯了色都照裝吧,錯色總好過沒門。

(為了彌補我心靈上的創傷,老公答應明天揸車出mk接我回家,不用我回到西貢/mos才接我,卡卡)