今日起身個胃又有d痛,係痛到唔想伸直個人個隻,所以叫肥豬拎藥比我食,我食左藥,決定訓多一陣先返工,其實好唔想返架,不過有個會已經改完又改,唔開唔得,所以死都返去啦
返到工都仲係有d痛,不過都好左d架喇,因為次次食完藥過左一個鐘係最好既,唔覺痛,不過再過多一個鐘左右會又開始痛返,所以我決定開完會,做多一陣野,lunch就走,下晝要再睇醫生
今次蕭醫生都suggest我要照下,佢就問左我想去醫院定診所,我就問佢分別係邊
醫生:其實冇分別,都係做同樣既野,不過d人有insurance就會入醫院做,醫院收費會貴d,不過大家都係一樣,迷迷糊糊就做完架喇
我:咁但係會唔會好痛架,醫院會唔會唔痛,診所就痛?
醫生:唔會架,痛唔痛係睇醫生個手勢同埋個病人緊唔緊張
如果去診所,都會係返呢幢大廈做,鄭醫生我都識左佢好多年,佢做左呢樣野好耐,好專業,手勢好好,同埋你唔緊張,咁唔會整到喉嚨就冇事架喇
我:um…um…um…我好驚架,係唔係真係冇事架?
醫生:(解釋左好多野,不過我唔記得晒lur)
我:好啦,咁我去診所呀
醫生:咁你有冇咩時間做?定係我幫你book到幾時就幾時呀?
我:冇所謂,你book完我自己安排時間就得喇,唔該醫生
就係咁,姑娘話咁快就同我book,我初初聽到佢book星期四架,不過最終要我入房醫生再同我講時,原來係book左聽日,是但啦,是但啦,快d照我唔駛咁驚
今晚唔係幾訓得著,始終都係有d驚,同埋叫左我dinner完之後唔好再食野,我就係唔知點解好似好餓咁,個口好想食,你話係唔係痴線架?
No comments:
Post a Comment