經過尋日去home collection既瘋狂購物,本來都冇話要去買衫架不過我平日又冇時間去cwb拎返之前訂左既鞋,所以死都要去cwb拎鞋先
咁出到cwb就去左sogo睇下jelly beans既鞋,唔睇唔知,原來sogo係賣695一對,真係好貴呀,唔怪得個個都話係日本買平啦,我買左3對返黎都真係太少喇,應該要買多d多d,不過唔緊要啦,我出年會再去架,嘻嘻
睇完鞋,我地就去東角駅拎鞋啦,今次呢個應該係老闆娘,佢好明顯醒好多,我試完鞋之後,都識sell下我睇衫,揀呀揀,揀左一件好日本既背心,其實都有d擔心唔啱著架,不過又真係好鐘意,亦都唔係太貴,所以就買左喇
咁再去金百利睇下見唔見我上次睇中件唔衫唔裙就打算走架喇,件衫係有,不過冇左我鐘意個色,所以都係冇買
咁去得cwb,就梗係去一去我最愛既bv.blu啦,點知就出事喇,佢地又唔係好多人,又有好多衫可以試,我就試下一件,試下一件,揀呀揀,買左一褸一裙一褲一衫出黎,哇哈哈哈哈,一係唔去,一去就買咁多野既感覺真係好好,不過買完呢兩日之後我就要乖乖再儲錢喇好滿足好滿足,希望呢個滿足感可以維持越耐越好,哈哈
2 comments:
好令啊!!我鍾意件小背心!!
呢排我D購物慾都好旺盛呢!^^女人一換季就會好瘋顛,卡卡卡...但我要留番D盤川去振興日本經濟呢....
係呀,係呀,你點都要留盤川架
唔好買香港d野呀,仲有兩個月就去日本架喇
Post a Comment